25–30 сәуір күндері тарихи Хива қаласында өтіп жатқан
“Лазги” III халықаралық би фестивалі аясында 27 сәуір күні Түркия–Өзбекстан Мәдени
ынтымақтастық жөніндегі бірлескен комиссиясының III жиналысы өтті. Оған Түркия
Республикасының Мәдениет және туризм министрінің орынбасары Батухан Мумжу мен
Өзбекстан Мәдениет министрінің орынбасары Муроджон Маджидов төрағалық етті.
Жиналысқа екі елдің мәдени мұрасы, мұражай қызметі, материалдық емес мәдени
мұра, кино индустриясы, театр және орындаушылық өнер салаларындағы жетекші
мамандар мен басшылар қызметкерлер қатысты.
Кездесуде ортақ мәдени мұраны сақтау және насихаттау,
мұражай арасындағы ынтымақтастықты кеңейту, бірлескен кино жобаларды жүзеге
асыру, театр және сахна өнерін дамыту, шығармашылық ұжымдар алмасуы және мәдени
іс-шараларды бірлесіп ұйымдастыру мәселелері жан-жақты талқыланды.
Жиналыс қорытындысында Түркия мен Өзбекстан
арасындағы мәдениет саласындағы ынтымақтастықты дамытуға арналған Бірлескен
комиссияның хаттамасына қол қойылды.
Түркия достас әрі бауырлас Өзбекстанмен мәдени
байланыстарды одан әрі нығайтуға және бұл қатынастарды бірлескен жобалар арқылы
болашақта да жүйелі түрде жалғастыруға бейілді екенін білдірді.
