Янги тартибга кўра, эндиликда фуқаролар хориждан 10 хил номдаги, бирламчи қадоқда бўлган биологик фаол қўшимчаларни ҳар биридан битта қадоқдан ошмаган миқдорда олиб киришлари мумкин. Бунда уларнинг умумий оғирлиги 3 килограммдан ошмаслиги шарт.
Аввал амалда бўлган тартибда биологик фаол қўшимчаларни олиб кириш меъёрлари уларнинг шаклига қараб белгиланган эди. Масалан, таблетка ёки капсула кўринишидаги қўшимчалардан 100 донагача олиб киришга рухсат берилган. Бироқ амалиётда бир қадоқда 100 донадан ортиқ маҳсулот бўлиши ҳолатлари кўп учраган.
Янги ўзгартишлар аҳолининг таклиф ва эҳтиёжларини инобатга олган ҳолда қабул қилинган бўлиб, биологик фаол қўшимчаларни шахсий эҳтиёж учун олиб кириш тартибини соддалаштиришга қаратилган.
