Дастур Tourism Malaysia томонидан Malaysia Healthcare Travel Council (MHTC) билан ҳамкорликда ҳамда Batik Air авиакомпанияси кўмагида ташкил этилди. Авиакомпания делегация иштирокчилари учун махсус авиачипта тарифларини тақдим этди.

Сафарнинг асосий мақсади — Малайзия ва Марказий Осиё мамлакатлари ўртасидаги профессионал ҳамкорликни мустаҳкамлаш ҳамда беморларни даволаниш учун йўналтириш имкониятларини кенгайтириш. Ташаббус, шунингдек, Малайзия туризм саноатининг истиқболли ва юқори даромад келтирувчи йўналишларидан бири бўлган тиббий туризмни янада ривожлантиришга қаратилган.

Лойиҳа Марказий Осиёда Малайзия тиббий хизматларига қизиқиш тобора ортиб бораётганини кўрсатади. У мутахассислар ўртасида билим ва тажриба алмашинувини ривожлантириш, шунингдек, Малайзия ва Марказий Осиё тиббиёт муассасалари ўртасида узоқ муддатли ҳамкорлик алоқаларини йўлга қўйишга хизмат қилади.

Бундан ташқари, дастур Ўзбекистон ва Қозоғистон вакилларини Малайзиянинг туристик имкониятлари билан яқиндан таништириш ва мамлакатнинг Марказий Осиё бозоридаги мавқеини янада мустаҳкамлаш имконини беради.

Таништирув сафари 2026 йил 3-10 август кунлари бўлиб ўтмоқда. Унда Ўзбекистон ва Қозоғистондан 16 нафар соғлиқни сақлаш соҳаси вакили, жумладан, амалиётчи шифокорлар, профессорлар ва тажрибали тиббиёт мутахассислари иштирок этмоқда.

Профессионал дастур давомида иштирокчилар Малайзиянинг халқаро миқёсда эътироф этилган соғлиқни сақлаш тизими ҳамда мамлакатнинг тиббий туризмни ташкил этишга комплекс ёндашуви билан бевосита танишадилар.

2027 йилгача узайтирилган Visit Malaysia 2026 кампанияси доирасида мазкур ташаббус туризм соҳасининг юқори қийматли сегментларини ривожлантириш орқали барқарор ўсишни таъминлашга қаратилган асосий вазифалардан бирини қўллаб-қувватлайди.

Tourism Malaysia томонидан ташкил этилган бир ҳафталик дастур давомида делегация Малайзиянинг тўртта етакчи хусусий тиббиёт муассасасига ташриф буюради:

Иштирокчилар шифохоналар раҳбарияти, шифокорлар ва соҳа мутахассислари билан учрашувлар ўтказадилар. Музокараларда клиник хизматлар сифати ва стандартлари, халқаро беморлар билан ишлаш тажрибаси, шунингдек, хорижий беморлар учун даволаниш жараёнини имкон қадар қулай ва узлуксиз ташкил этишнинг амалий жиҳатлари муҳокама қилинади.

Ушбу ташаббус Малайзия соғлиқни сақлаш тизимига халқаро қизиқиш изчил ошиб бораётган бир даврда амалга оширилмоқда. MHTC маълумотларига кўра, ҳар йили Малайзияга 1,84 миллиондан ортиқ хорижий бемор, жумладан, Ўзбекистон ва Қозоғистондан келган фуқаролар даволаниш мақсадида ташриф буюради. Тиббий туризмдан олинадиган даромад эса 770 миллион АҚШ долларидан ошади.

Бу ўсиш хорижий беморларнинг Малайзиядаги юқори сифатли ва халқаро аккредитациядан ўтган тиббий хизматларга бўлган ишончи ортиб бораётганини кўрсатади.

MHTC кўмагидаги Малайзия соғлиқни сақлаш экотизими 80 дан ортиқ ҳамкор шифохона ва тиббиёт муассасаларини бирлаштиради. Улар кардиология, онкология, ортопедия, репродуктив тиббиёт ва стоматология каби кўплаб йўналишларда халқаро миқёсда тан олинган тиббий хизматларни таклиф этади.

Профессионал дастурдан ташқари, делегация Малайзиянинг бой маданий ва туристик мероси билан ҳам танишади. Сафар давомида иштирокчилар Куала-Лумпур, мамлакатнинг маъмурий пойтахти Путражая ҳамда ЮНEСКО Бутунжаҳон мероси рўйхатига киритилган тарихий Мелака шаҳрига ташриф буюрадилар.

2025 йилда Малайзияда жами 42,1 миллион халқаро ташриф қайд этилди. Бу 2024 йилдаги 37,9 миллион кўрсаткичга нисбатан 11,2 фоизга кўп.

Tourism Malaysia бош директори жаноб Моҳд Амирул Ризал Абдул Раҳимнинг таъкидлашича, Малайзия хорижий беморларга фақат даволаниш билан чекланиб қолмайдиган комплекс тиббий саёҳат тажрибасини таклиф этади. У жаҳон даражасидаги тиббий хизматлар, машҳур малайзиялик меҳмондўстлик, замонавий инфратузилма, ранг-баранг гастрономия ва кенг туристик имкониятларни бирлаштиради.

«Тиббий туризм 2027 йилгача узайтирилган Visit Malaysia 2026 — ВМ2026–2027 кампаниясининг, шунингдек, Malaysia Year of Medical Tourism 2026 — Малайзия тиббий туризм йилининг асосий йўналишларидан биридир.

Бу йўналиш Малайзиянинг жаҳон даражасидаги тиббий хизматларни юқори сифатли меҳмондўстлик ва турли туристик имкониятлар билан уйғунлаштира олиш салоҳиятини намоён этади.

Биз Ўзбекистон ва Қозоғистондан келган нуфузли соғлиқни сақлаш мутахассислари делегациясини мамнуният билан кутиб оламиз. Улар Малайзия соғлиқни сақлаш тизимининг юқори сифати билан бевосита танишиш билан бирга, мамлакатимизнинг машҳур меҳмондўстлиги, бой маданий мероси, жаҳон даражасидаги гастрономияси ва турли туристик имкониятларини ҳам кашф этишлари мумкин.

Ушбу таништирув сафари Марказий Осиё мамлакатлари билан профессионал ҳамкорликни янада мустаҳкамлашга, Малайзия соғлиқни сақлаш тизимига бўлган ишончни оширишга ҳамда кўпроқ беморларни тиббий туризм учун Малайзияни афзал йўналиш сифатида танлашга ундашига умид қиламиз», — деди жаноб Моҳд Амирул Ризал Абдул Раҳим.

Tourism Malaysia ҳақида

Malaysia Tourism Promotion Board, яъни Malaysia Tourism, Малайзия Туризм, санъат ва маданият вазирлиги — Ministry of Tourism, Arts and Culture Malaysia (МОТАC) ҳузуридаги агентликдир.

Ташкилот Малайзияни саёҳат учун афзал йўналиш сифатида халқаро бозорларда тарғиб қилади ва ташкил этилганидан буён мамлакатнинг жаҳон туризм бозоридаги мавқеи ҳамда рақобатбардошлигини мустаҳкамлашда муҳим роль ўйнаб келмоқда.

Visit Malaysia 2026 кампанияси Малайзиянинг Бирлашган Миллатлар Ташкилотининг Барқарор ривожланиш мақсадларига мувофиқ туризмни барқарор ривожлантиришга содиқлигини намоён этади.

Кампания Малайзиянинг ранг-баранг табиий диққатга сазовор жойлари, бой маданий мероси ва турли туристик имкониятларини тарғиб қилиш билан бирга, маҳаллий ҳамжамиятлар ва туризм соҳаси вакиллари учун инклюзив ўсиш ҳамда узоқ муддатли манфаатларни таъминлашга қаратилган.

Қўшимча маълумотни Tourism Malaysia расмий сайти — www.tourism.gov.my, шунингдек, ташкилотнинг Facebook, Instagram, Х, YouTube ва TikTokʼдаги расмий саҳифаларидан олиш мумкин.

Реклама