Айни пайтда гулларга бурканган автомобиллар паради Давлатобод ва Янги Наманган туманлари ҳамда Наманган шаҳри марказий кўчалари бўйлаб ҳаракатланмоқда.
Автокарвонни томоша қилиш учун йўллар четида минглаб одамлар жам бўлган. Фестиваль меҳмонлари ва шаҳар аҳли ушбу ёрқин лаҳзаларни катта завқ билан кузатиб, уларни телефон камераларига муҳрламоқда.
Парадда намойиш этилаётган турли безакдаги автомобиллар, айниқса, ўз даврининг энг машҳур ретро машиналари томошабинларда катта қизиқиш уйғотди.
Наманган шаҳрида анъанавий тарзда ўтказиб келинаётган Гуллар фестивали бу йил ҳам ранг-баранг композициялар, байрамона муҳит ва кўтаринки кайфият билан бошланди.
