Улар билан Ўзбекистоннинг Новосибирск шаҳридаги бош консули Аслам Акбаров учрашди.

Бу ҳақда "Дунё" АА хабар берди.

Қайд этилишича, учрашув давомида ватандошлар билан якка тартибда суҳбатлар ўтказилиб, уларнинг мурожаат ва илтимослари тингланди. Ҳуқуқий масалалар юзасидан зарур маслаҳатлар берилди.

Мурожаатлар натижасида айрим масалалар бўйича жойида тезкор чоралар кўрилди. Хусусан, юрак ва умуртқа поғонаси касалликларидан азият чекаётган икки нафар ватандошга зудлик билан тиббий ёрдам кўрсатиш масаласи ҳал этилди.

Шунингдек, колония раҳбарияти билан Ўзбекистон фуқаролари учун мусулмон қоидаларига мувофиқ овқатланишни ташкил этиш масаласи муҳокама қилинди.

Яна бир ватандошга яхши янгилик бор. У бир ойдан сўнг колониядан озод этилади. Унинг Ўзбекистонга қайтиши учун зарур бўлган қайтиш сертификатини бериш масаласи тезкорлик билан ҳал қилинди.

Учрашувда ватандошларга Ўзбекистон дипломатик ваколатхонаси уларнинг ҳуқуқ ва қонуний манфаатларини ҳимоя қилишда давом этиши, зарур консуллик-ҳуқуқий ва юридик ёрдам кўрсатилиши таъкидланди.

Ўзбекистон дипломатик вакилларининг жазони ўташ муассасаларидаги ватандошлар билан навбатдаги учрашуви октябрь ойининг охирида Иркутск шаҳрида ўтказилиши режалаштирилган.