Маълум бўлишича, фуқарога суд қарори асосида белгиланган алимент тўловларини олдиндан амалга ошириш имконияти тушунтирилган. Шундан сўнг у ижрони амалга ошириш усули ва тартибини ўзгартириш масаласида судга мурожаат қилган.
Суд мурожаатни кўриб чиқиб, даъвони қаноатлантирган ва вояга етмаган фарзанди таъминоти учун 5 йиллик алимент маблағини олдиндан ундиришни белгилаган.
Натижада ота бир неча йиллик алимент мажбуриятини олдиндан бажарган. Бу унинг хорижга чиқиши билан боғлиқ чеклов масаласини ҳал этишга, шунингдек, фарзандининг келгуси йиллардаги таъминотини таъминлашга хизмат қилган.
Алимент оддий молиявий мажбурият эмас. У боланинг кундалик эҳтиёжлари, кийим-кечаги, озиқ-овқати, таълими, тиббий хизмати ва бошқа зарур харажатларини қоплашда муҳим аҳамиятга эга.
Шу нуқтаи назардан, мазкур ҳолатда ота нафақат хорижга чиқиш билан боғлиқ чекловни бекор қилиш, балки фарзанди олдидаги масъулиятини олдиндан бажариш йўлини танлаган.
Фарзанднинг эртанги кунини бугундан ўйлаш — ота-оналик масъулиятининг муҳим кўринишларидан биридир.
