Энергеттика вазирлиги ахборот хизматининг маълум қилишича, “Қамбарота ГЭС-1” Марказий Осиёда сув ресурсларидан оқилона фойдаланиш ҳамда энергетика соҳасида ўзаро манфаатли ҳамкорликни мустаҳкамлашга хизмат қилувчи йирик стратегик лойиҳа ҳисобланади.

Лойиҳа Қирғиз Республикаси ҳудудидаги Норин дарёсида қуввати 1880 МВт бўлган замонавий гидроэлектр станциясини барпо этишни назарда тутади.

Ушбу лойиҳанинг амалга оширилиши минтақада энергетика хавфсизлигини мустаҳкамлаш, барқарор ривожланишни таъминлаш ҳамда “яшил” энергия улушини оширишга хизмат қилиши кутилмоқда.

Музокараларда икки давлатнинг тегишли идора ва ташкилотлари вакиллари иштирок этди. Шунингдек, Жаҳон банки вакиллари кузатувчи сифатида қатнашиб, ушбу ташкилотнинг лойиҳадаги муҳим халқаро молиявий ҳамкор сифатидаги ўрнини яна бир бор тасдиқлади.

Учрашув якунида томонлар ҳукуматлараро битим лойиҳаси қоидаларини келишиш бўйича яқин ҳамкорликни давом эттиришга тайёр эканликларини билдирдилар.