Дастлаб, вилоят ҳокими Муротжон Азимов, спорт вазири Адҳам Икрамов ҳамда Миллий Олимпия қўмитаси раисининг биринчи ўринбосари Отабек Умаров бошчилигида ишчи гуруҳ йиғилиши ўтказилди.

Айни пайтда воҳадаги 776 та маҳаллада ёшлар ўртасида спортни оммалаштириш ҳолати, «Янги Ўзбекистон олимпия чўққилари», «Президент олимпиадаси», «Янги Ўзбекистон талабалари олимпиадаси» мусобақалари, «Жисмоний тайёргарлик даражаси» спорт синовлари, шунингдек, спорт инфратузилмаси ва таълим муассасалари фаолияти атрофлича ўрганилмоқда.

Шу билан бирга, Қашқадарёга ташриф буюрган Олимпия ўйинлари, жаҳон ва Осиё чемпионлари ҳамда совриндорлари иштирокида ёш спортчилар учун кўргазмали амалий машғулотлар ташкил этилмоқда.