Бу ҳақда Бош прокуратура ҳузуридаги Департаменти хабар берди.
Аниқланишича, “Q.S.” МЧЖга қарашли хусусий клиникада тегишли рухсатномасиз ичимлик суви ва оқова сув тармоғига ноқонуний уланиш ҳолати бўйича ҳисобланган 147 миллион сўм зарарни “йўқ қилиб бериш” эвазига инспектор 2 200 АҚШ доллари талаб қилган.
Маълум қилинишича, ушбу маблағлар фуқаро Ф.И. томонидан инспектор М.А.нинг топшириғига асосан тадбиркордан олинаётган вақтда ашёвий далиллар билан қўлга олинган.
Ҳолат юзасидан Ўзбекистон Республикаси Жиноят кодекси 214-моддаси ҳамда Ўзбекистон Республикаси Жиноят кодекси 28 ва 211-моддалари билан жиноят иши қўзғатилиб, тергов ҳаракатлари олиб борилмоқда.
