Бу «Сув омборлари ва уларга туташ ҳудудлардан фойдаланишни тартибга солиш ҳамда хавфсизликни таъминлаш чора-тадбирлари тўғрисида»ги Президент қарорида (ПҚ–387-сон, 2026 йил 27 октябрь) белгиланган.
Қарорга кўра, юридик шахслар учун ер солиғи ва мол-мулк солиғи белгиланган ставкаларнинг 50 фоизи миқдорида қўлланади.
Шунингдек, сувда фойдаланишга мўлжалланган GPS қурилмалари, қутқарув ва хавфсизлик анжомлари ҳамда замонавий санитария-гигиена шохобчаларини Ўзбекистонга олиб киришда божхона тўловларини 120 кунга кечиктириб ёки бўлиб-бўлиб тўлашга рухсат берилади.
Имтиёзлар билан бирга хавфсизлик талаблари ҳам белгиланди.
Сув омборлари ва уларга туташ ҳудудларда туризм объектларини ташкил этган тадбиркорлар ташриф буюрувчилар хавфсизлигини таъминлаши, объектларни зарур хавфсизлик воситалари билан жиҳозлаши шарт.
Фавқулодда вазиятларда қутқарув ишларини зудлик билан амалга ошириш учун қутқарув хизмати ташкил этилиши ёки профессионал қутқарув тузилмалари билан шартнома асосида навбатчилик хизмати йўлга қўйилиши лозим.
Бундан ташқари, тадбиркорлар кичик ҳажмли кемалар ва улар турадиган иншоотлардан хавфсиз фойдаланиш талабларига риоя қилиши керак.
Сув омборлари атрофидаги туризм объектларида ички канализация тармоқлари ва маҳаллий оқова сувларни тозалаш иншоотлари бўлиши, оқова сувларни сув объектларига ташлашга йўл қўйилмаслиги белгиланган.
Объектларда ҳосил бўладиган маиший чиқиндилар ҳам белгиланган тартибда утилизация қилиниши шарт.
