Лойиҳа Касбий таълим агентлиги ва «China Oriental Education Holdings» компанияси ҳамкорлигида амалга оширилиши кўзда тутилган.
Техникумда BYD, Chery ва JAC каби Хитой автомобиль ишлаб чиқарувчиларининг эҳтиёжлари асосида мутахассислар тайёрланади. Ўқувчиларга корхоналарда амалий тажриба орттириш имконияти ҳам яратилади.
Шунингдек, маҳаллий педагогларнинг Хитойда малака ошириши ташкил этилади. Таълим жараёнига маҳаллий ва хорижий мутахассислар жалб қилинади.
Ўқиш кундузги, кечки ва дуал шаклларда, тўлов-контракт асосида ташкил этилади.
Техникум битирувчилари Ўзбекистонда тан олинадиган касбий таълим дипломлари ҳамда халқаро сертификатларга эга бўлади.
