50 та 40 футлик контейнердан иборат поезд Хитойнинг бир нечта станцияларидан жўнаб, кейинчалик Урумчи шаҳридаги Санпин станциясида жамланади. Шундан сўнг юклар Қозоғистоннинг Алтинкўл станцияси орқали Афғонистонга етказилади.
Маълум қилинишича, поезд таркибида канцелярия маҳсулотлари, қуёш панеллари учун бутловчи қисмлар, матолар ҳамда бошқа саноат ва истеъмол товарлари ташилмоқда.
Ушбу йўналиш бўйича жорий йил 30 май куни яна 50 та контейнердан иборат навбатдаги поездни жўнатиш режалаштирилган.
Компания қайд этишича, халқаро логистика занжирларини ривожлантириш, янги транспорт коридорларини йўлга қўйиш ва самарали транспорт ечимларини таклиф этиш бўйича ишлар давом эттирилади.
