Бу ишлар дастлаб маҳаллалар, пиёдалар йўлаклари ва бошқа жамоат жойларини ободонлаштиришдан бошланган бўлиб, бугунги кунда шаҳар бозорларини ҳам қамраб олган.
Ана шундай объектлардан бири "Янгиобод" бозоридир. Бу тошкентликларга яхши таниш бўлган, кўплаб мамлакатларда формати "бурга бозори" деб аталадиган маскандир.
Айнан шунинг учун ҳам шаҳар бозорни янгилаш ҳақида гапирганда, унинг одатий қиёфасини ўзгартириш ёки уни бошқа форматдаги бозорга айлантиришни мақсад қилмаяпти.
Вазифа анча оддий ва тушунарли — "Янгиобод"ни шу ерда ишлайдиганлар ва бу ерга келадиганлар учун қулайроқ, хавфсизроқ ва шинамроқ қилиш.
Гап ҳудудни ободонлаштириш, меъёрий санитария шароитлари, хавфсизлик, зарур инфратузилма, қулай ўтиш йўлаклари ва автотураргоҳ ҳақида бормоқда. Яъни, ҳар қандай замонавий шаҳар бозорида бўлиши шарт бўлган оддий шароитлар ҳақида.
Шу билан бирга, бугун "Янгиобод"да ишлаётган сотувчилар ўз савдо ўринларини сақлаб қоладилар. Бозорнинг одатий ихтисослашуви ва энг муҳими, унинг ўзига хос муҳити ҳам сақланиб қолади.
Ҳозирда шаҳар лойиҳачилар билан биргаликда "Янгиобод"ни янгилаш концепциясини ишлаб чиқмоқда. Биз учун бу шунчаки қоғозда яратилган лойиҳа эмас, балки ушбу бозор ҳақиқатан ҳам муҳим бўлган инсонларнинг фикри инобатга олинган ечим бўлиши муҳим.
Шу боис лойиҳа жамоатчилик муҳокамасига тақдим этилади. Ҳар бир инсон таклиф этилаётган ўзгаришлар билан танишиши, ўз фикрини билдириши, саволлар бериши ва таклифлар киритиши мумкин бўлади.
Шаҳарнинг принципиал вазифаси — одамлар манфаатларини ҳисобга олган ҳолда, "Янгиобод"нинг ўзига хос қиёфаси ва муҳитини сақлаб қолиб, айни вақтда янада хавфсиз, қулай ва замонавий муҳит яратишдан иборат.
