Иш доимий бўлиб, меҳнат жараёни Европа Иттифоқининг Mobility Package талабларига мувофиқ тахограф орқали ҳисобга олинади.

Ҳайдовчиларга солиқлардан кейин ойига 3150 евро иш ҳақи тўланади. Шунингдек, ойига тахминан 200 евро миқдорида бонус берилади. 3 ойлик синов муддати давомида ҳам тўлиқ маош тўланиши белгиланган.

Номзодлардан CE тоифали ҳайдовчилик гувоҳномаси, профессионал ҳайдовчилик учун тиббий кўрикдан ўтганлик талаб этилади. 21–45 ёшдаги эркак ва аёллар номзод сифатида қатнашиши мумкин. Европада камида 6 ойлик ҳайдовчилик тажрибасини тасдиқловчи ҳужжатга эга номзодларга устунлик берилади.

Шунингдек, рус ва инглиз тилларини мулоқот даражасида билиш талаб этилади.

Компания томонидан иш визаси ва уни расмийлаштириш, авиачипта, аэропортдан турар жойга трансфер, ишлаш рухсатномаси, ётоқхона, ишга қатнов ва тиббий суғурта харажатлари қопланади.

Овқатланиш ва ўқиш харажатлари эса ходимнинг ўзи ҳисобидан амалга оширилади.

Номзодларни рўйхатга олиш 15–20 август кунлари ўтказилади. Иш берувчи иштирокидаги танлов 24–30 август кунлари бўлиб ўтади. Танлов жараёнида юзма-юз суҳбат, назарий саволлар ҳамда юк автомобилида автомайдонда амалий имтиҳон ўтказилади.

Қўшимча маълумот учун: 71 202 33 55 (545).