Дар ҷараёни суҳбат масъалаҳои минбаъд густариш додани ҳамкории мутақобилан судманд баррасӣ гардиданд.
Таъкид шуд, ки дар давоми соли гузашта ҳамкорӣ бо ширкати Traxys ба сатҳи нав баромад: созишномаҳои шартномавӣ ба имзо расонида шуда, дар шаҳри Тошканд дафтари минтақавии ширкат, ки нахустин намояндагии он дар Осиёи Марказӣ мебошад, ифтитоҳ гардид.
Ба татбиқи лоиҳаҳои муштарак дар соҳаи маъданҳои муҳими стратегӣ, коркарди амиқи ашёи хом ва истеҳсоли маҳсулоти саноатии дорои арзиши иловашудаи баланд дар заминаи технологияҳои амрикоӣ таваҷҷуҳи махсус зоҳир карда шуд.
Traxys яке аз ширкатҳои пешсафи ҷаҳон дар соҳаи таъминоти ашёи хоми муҳим ва маъданҳо мебошад. Ширкат харид, ҳамлу нақл, маблағгузорӣ ва фурӯши металлҳою маъданҳоро анҷом дода, дар беш аз 20 кишвари ҷаҳон фаъолият мекунад.
