Дар ин бора вазири корҳои хориҷии Ӯзбекистон Бахтиёр Саидов хабар дод.
Зимни мулоқот бо котиби давлатии ИМА Марко Рубио ҷонибҳо иҷрои пурра ва саривақтии тавофуқҳои бадастовардаи роҳбарони ду кишвар, густариши тиҷорату сармоягузорӣ, инчунин рушди ҳамкорӣ дар соҳаҳои энергетика, маъданҳои муҳими стратегӣ ва технологияҳои пешрафтаро баррасӣ карданд.
Ба ҳамкорӣ дар соҳаҳои маориф, робитаҳои фарҳангӣ ва башардӯстона, инчунин амният таваҷҷуҳи махсус зоҳир гардид.
Ба гуфтаи Бахтиёр Саидов, роҳандозии механизми нави муколама барои рушди пайгиронаи муносибатҳои дуҷониба, таҳкими эътимоди мутақобила ва татбиқи лоиҳаҳои муштарак заминаи муҳим фароҳам меорад.
Ӯзбекистон Созишномаҳои «Артемида»-ро имзо кард
Дар натиҷаи музокироти дуҷониба вазири корҳои хориҷии Ӯзбекистон Бахтиёр Саидов ва котиби давлатии ИМА Марко Рубио Созишномаҳои «Артемида»-ро имзо карданд.
Ҳуҷҷат принсипҳои ҳамкории байналмилалиро дар самти омӯзиш ва таҳқиқи осоиштаи Моҳ, Миррих, кометаҳо ва астероидҳо муайян мекунад.
Интизор меравад, ки созишномаҳо барои густариши ҳамкории Ӯзбекистон бо NASA ва ниҳодҳои кайҳонии кишварҳои дигари иштирокчии барнома, омода намудани мутахассисони миллӣ ва интиқоли технологияҳои кайҳонӣ имкониятҳои нав фароҳам оваранд.
Ӯзбекистон 77-умин кишварест, ки Созишномаҳои «Артемида»-ро имзо кардааст.
