Ба музокирот бо ҳайати Туркия
таваҷҷуҳи махсус дода шуд. Ҷонибҳо масъалаҳои баланд бардоштани
тахассуси кадрҳо, бозомӯзии кормандон ва такмили малакаҳои касбии онҳоро мутобиқ
ба стандартҳои байналмилалӣ муҳокима карданд.
Дар ҷараёни мулоқот доир ба нақши омодасозии
мутахассисони баландихтисос дар муборизаи самаранок бо ҷиноятҳои марбут ба
маводи мухаддир ва дурнамои густариши минбаъдаи ҳамкориҳои ду кишвар табодули
назар сурат гирифт.
Дар натиҷаи музокирот мувофиқа ҳосил шуд, ки кормандони
воҳидҳои махсуси оперативии Ӯзбекистон дар муассисаҳои махсусгардонидашудаи
таълимии Туркия аз рӯи барномаи думарҳилавии омӯзиш таҳсил намоянд.
Зикр мегардад, ки татбиқи ин ташаббус ба таҳкими иқтидори
касбии мутахассисон, омӯзиши таҷрибаи пешқадами байналмилалӣ ва баланд
бардоштани самаранокии мубориза бо таҳдидҳои муосири марбут ба маводи мухаддир
мусоидат хоҳад кард.
Ҳамчунин, тавофуқҳои ҳосилшуда барои густариши минбаъдаи ҳамкориҳои
дуҷониба, табодули таҷриба ва ҳамоҳангсозии талошҳои муштарак дар мубориза бо
гардиши ғайриқонунии маводи мухаддир замина фароҳам меоранд.
