Зимни як рейди навбатӣ, ки аз ҷониби кормандони шуъбаи ноҳиявии Экополисияи Раёсати ҳифзи муҳити зист ва тағйирёбии иқлими шаҳри Тошканд гузаронида шуд, дар таҳхонаи клуби компютерие, ки дар массиви Қаросу-6 ҷойгир аст, маймун ошкор карда шуд.
Оид ба ин ҳолат чораҳои дахлдор андешида шуданд. Бо мақсади таъмини бехатарии ҳайвон ва нигоҳубини дурусти он, маймун тибқи тартиби муқарраргардида ба Боғи ҳайвоноти шаҳри Тошканд супорида шуд.
Мутахассисон таъкид мекунанд, ки нигоҳ доштани ҳайвоноти ваҳшӣ бидуни фароҳам овардани шароити муносиб ва назорати мутахассисон метавонад ба саломатӣ ва ҳаёти онҳо таҳдид кунад ва ҳамчунин ба амнияти аҳолӣ таъсири манфӣ расонад.
