Дар оғози мулоқот меҳмони олиқадр ба Сарвари давлати мо салому таманниёти неки Подшоҳи Арабистони Саудӣ Салмон бин Абдулазиз Ол Сауд ва Валиаҳд, Сарвазир Муҳаммад бин Салмон Ол Саудро расонд.

Бо қаноатмандӣ таъкид гардид, ки ҳамкориҳои ду кишвар дар солҳои охир бо суръати баланд рушд меёбанд. Аз ҷумла, татбиқи бомуваффақияти лоиҳаҳои бузурги муштарак бо ширкати «ACWA Power» махсусан қайд гардид.

Дар рафти сафар бо ҳайати намояндагии роҳбарони ширкатҳои пешбари Арабистони Саудӣ музокироти судманд баргузор гардид ва як қатор созишномаҳо ба даст омаданд.

Зимни мулоқот ба масъалаҳои рақамикунонӣ ва навсозии низоми тандурустӣ, такмили танзими соҳаи дорусозӣ, омодасозии кадрҳои баландихтисос, инчунин бунёди як клиникаи бисёрсоҳаи замонавӣ дар Ӯзбекистон таваҷҷуҳи махсус зоҳир карда шуд.

Дар натиҷаи мулоқот ҷонибҳо ба мувофиқа расиданд, ки «харитаи роҳ», ки татбиқи лоиҳаҳо ва ташаббусҳои нави муштаракро дар самтҳои афзалиятнок пешбинӣ менамояд,  таҳия ва қабул карда шавад.