Joriy yilning 11-sentabr kuni soat 08:30 larda, Sh.Rashidov tumani Bobur MFY hududidan utgan M-39 “Toshkent-Termiz” avtomobil yo‘lining 986 km.da. Buxoro viloyatida yashovchi 1982-yilda tug‘ilgan haydovchi  “YUTONG” rusumli yo‘lovchi tashuvchi avtobusini Toshkent-Samarqand yo‘nalishida boshqarib va yo‘lning belgilangan joyidan qayrilib harakatlanayotgan vaqtida, qarama-qarshi tomondan ya’ni Samarqand-Toshkent yo‘nalishida harakatlanib kelayotgan, Qashqadaryo viloyatida yashovchi 1983-yilda tug‘ilgan haydovchi boshqaruvida bo‘lgan “SHACMAN” rusumli yuk tashuvchi transport vositasi bilan to‘qnashishi oqibatida yo‘l-transport hodisasi sodir etilgan. Ushbu hodisa oqibatida halok bo‘lganlar yo‘q hamda “YUTONG” rusumli avtobusda bo‘lgan ayrim yo‘lovchilarga birinchi tibbiy yordam ko‘rsatildi.