Bu haqda AQShning Janubiy va Markaziy Osiyo bo‘yicha maxsus vakili Serdjio Gor ma’lum qildi, deya xabar qiladi in.usembassy.gov sayti.

Tashrif doirasida Rubio Markaziy Osiyonинг besh davlati — Qozog‘iston, Qirg‘iziston, Tojikiston, Turkmaniston va O‘zbekiston tashqi ishlar vazirlari ishtirokidagi C5+1 vazirlar uchrashuvida qatnashadi.

Muzokaralarda mintaqaviy iqtisodiy aloqalarni kengaytirish, energetika xavfsizligini mustahkamlash va umumiy mintaqaviy masalalar bo‘yicha hamkorlikni rivojlantirish muhokama qilinishi rejalashtirilgan.

Shuningdek, AQSh davlat kotibi O‘zbekiston rahbariyati va Markaziy Osiyo davlatlari vakillari bilan uchrashib, savdo hajmini oshirish, xususiy sektor investitsiyalarini rag‘batlantirish va mintaqada iqtisodiy modernizatsiyani qo‘llab-quvvatlash masalalarini muhokama qiladi.

Sergey Gorning ma’lum qilishicha, Samarqanddagi uchrashuvlar AQSh–Markaziy Osiyo strategik sherikligini rivojlantirish va ikki tomonlama diplomatik hamda tijoriy hamkorlikni mustahkamlashga qaratilgan.