Maʼlumot uchun: “Wilmar International” kompaniyasi 1991-yilda Singapurda tashkil etilgan boʻlib, Osiyoda yetakchi agrosanoat korporatsiyasi hisoblanadi. Kompaniya Singapur birjasida bozor kapitallashuvi boʻyicha eng yirik kompaniyalar qatoriga kiradi.
“Wilmar International” Xitoy, Hindiston, Indoneziya va 50 ga yaqin mamlakatlarda 500 dan ortiq ishlab chiqarish zavodlariga va 50 dan ortiq taʼminot tizimiga ega. Kompaniyaning 2022-yildagi sof foydasi 2,4 milliard dollarga baholangan. Xodimlari soni – 100 ming nafar.
Konstruktiv fikr almashish chogʻida qishloq xoʻjaligi sohasida oʻsimlik yogʻi, un, guruch kabi muhim oziq-ovqat mahsulotlarini hamda chorvachilik sanoati uchun ozuqa mahsulotlari ishlab chiqarish boʻyicha qoʻshma loyihalarni amalga oshirishni nazarda tutgan holda oʻzaro manfaatli hamkorlikni yanada kengaytirish masalalari muhokama etildi. “Wilmar International” kompaniyasi vakillari mamlakatimiz hududlarida oʻrganib kelgan ishlab chiqarish quvvatlarini yuqori baholadi, deb xabar beradi Investitsiyalar, sanoat va savdo vazirligi matbuot xizmati.