Соңғы жылдары Науаи облысында кәсіпкерлік қарқынды дамып, аймаққа инвесторлардың қызығушылығы артып келеді. Тек 2023 жылдың өзінде 101 триллион сумнан астам өнеркәсіп өнімдері өндіріліп, 648 миллион долларлық экспорт жүзеге асқан.
Сондай-ақ, шамамен 478 миллион долларлық шетелдік инвестиция игеріліп, облыстың сыртқы сауда айналымы 1,3 миллиард долларды құрады. Облыста 300-ден астам шетелдік кәсіпорындар жұмыс істеп тұр, ал олардың саны бұдан әрі арта түспек.
Салтанатты шарада 15 жоба таныстырылды.
Атап айтқанда, Кенимех ауданында жанғыш сланецті өндіру және қайта өңдеудің бірінші кезеңі, Кармана ауданында 300 мегаваттық күн электр станциясы және 75 мегаваттық электр энергиясын сақтау жүйесі, Науаи қаласында техникалық газ өндірісі, Ғазан қаласында мәрмәр және Зарафшан қаласында гранит өңдеу, Үшқұдық ауданында каолин өндіру және байыту, Хатирчи ауданында балық жемін дайындау жобаларының құрылысы басталды.
Кармана ауданында калий сульфаты мен күкірт қышқылы, Науаи қаласында мақта целлюлозасы, Нұрата ауданында гранит өңдеу зауыттары іске қосылды.
Аталған 15 жобаның жалпы құны 3 миллиард 600 миллион долларды құрайды. Нәтижесінде 7 мыңнан астам жаңа жұмыс орындары ашылады.
Президент Шавкат Мирзиёев символикалық батырманы басып, жаңа жобалардың құрылысы мен жұмысын ресми түрде бастап берді.
