Тиісті мәлімдеме 22 қаңтар, бейсенбі күні АҚШ Денсаулық сақтау және халыққа әлеуметтік қызмет көрсету министрлігінің ресми сайтында жарияланды. Bloomberg және Reuters агенттіктерінің хабарлауынша, АҚШ үкіметі ұйымға шамамен 260 миллион доллар қарызын төлемеген. AP агенттігі қарыз көлемін 130 миллион доллардан астам деп бағалап отыр.
Атап айтқанда, АҚШ тарапы ДДСҰ-дан шығуын «ұйымның Қытайдың Ухань қаласында басталған COVID-19 пандемиясына жеткілікті деңгейде жауап бере алмауы, шұғыл қажетті реформаларды жүзеге асырмауы және ДДСҰ-ның мүше мемлекеттердің артықша саяси ықпалынан тәуелсіздігін көрсете алмағандығы» себептерімен түсіндірді, деп хабарлады dw.com.
АҚШ Президенті Дональд Трамп елдің ДДСҰ-дан шығу ниетін жариялайтын жарлыққа 2025 жылғы 20 қаңтарда – Ақ үйге қайта оралғаннан кейінгі алғашқы күні қол қойған. Reuters және Bloomberg агенттіктері ұйымнан шығу бір жылдан кейін аяқталуын АҚШ заңнамалық талаптарымен байланыстырады: мұндай жоспарлар туралы кемінде 12 ай бұрын хабарлануы тиіс. Агенттіктердің атап өтуінше, заң барлық төленбеген жарналарды толық өтеуді де талап етеді.
