Шарада елімізде жастарға жасалып жатқан зор қамқорлық, олардың шетелде білім алуы үшін жасалған кең мүмкіндіктер, мемлекет басшысының жан-жақты кемел, интеллектуалды әлеуетті және халықаралық стандарттарға сай келетін кадрларды даярлауға ерекше көңіл бөліп отырғаны туралы ақпарат берілді.
АҚШ пен Өзбекстан университеттері арасында тікелей серіктестік байланыстарды орнатуға, «Эл-юрт умиди» қорын АҚШ-та білім беру бағдарламалары мен тағылымдамадан өту үдерісіне жұмылдыруға, сондай-ақ осы саладағы гранттық бағдарламаларға тартуға баса назар аударылды.
Шара студенттермен ашық диалог түрінде өтіп, қатысушылардың сұрақтарына жан-жақты жауаптар беріп, олар берген бірқатар ұсыныстар мен кеңестері талқыланды. Атап айтқанда, «Эл-юрт умиди» қоры стипендиаттарының жазғы демалысында жергілікті билік органдарында, беймемлекеттік және бейкоммерциялық ұйымдарда, Американың ірі компанияларында тағылымдамадан өту мәселесі талқыланды.
Сұхбат кезінде студенттерге қолайлылық жарату мақсатында Америка Құрама Штаттарындағы «Эл-юрт умиди» қорының стипендиаттары және еліміздің Вашингтондағы елшілігінің қызметкерлерінен құралған «Telegram» әлеуметтік желісінде арнайы топ құрылып, пайда болған проблемалар, ұсыныстар мен консулдық қызметтерге қатысты сұрақтармен осы платформа арқылы өтініш жасау мүмкіндігі жасалғаны айтылды.
Айта кету керек, бүгінде «Эл-юрт умиди» қорының 82 стипендиаты АҚШ-тың 14 университетінде және Канаданың 30-ға жуық университетінде білім алуда. Олардың 63-і бакалавриатта, 17-сі магистратурада және 2-і докторантурада (PhD) білім алуда. Студенттер компьютерлік технологиялар және бағдарламалау (19 студент), құқық (9 студент), бизнесті басқару (7 студент), экономика (6 студент), химия инженериясы (6 студент), ауыл шаруашылығы (3 студент), қаржы (3 студент) және зерттеушілік мамандықтары бойынша оқып жатыр.
Көптеген студенттеріміз Аризона мемлекеттік университеті, Цинциннати университеті, Оңтүстік Флорида университеті, Флорида мемлекеттік университеті, Стэнфорд университеті және Вашингтон университеті сияқты АҚШ-тың жетекші университеттерінде білім алуда.
Онлайн сұхбат соңында өзбекстандық студенттермен және жас ғалымдармен алдағы уақытта осындай іс-шараларды ұйымдастыруға, АҚШ және Канададағы белсенді өзбек жастарымен ынтымақтастықты одан әрі нығайтуға келісілді.
