Мемлекет басшысы Вашингтон қаласында Бейбітшілік кеңесінің алғашқы отырысында сөз сөйлеп, Газа секторын әлеуметтік-экономикалық тұрғыдан қайта қалпына келтіру және аймақта бейбітшілік пен тұрақтылықты қамтамасыз ету жөніндегі ұстанымымен бөлісті.
Сондай-ақ Өзбекстан Президенті АҚШ-тың Сауда министрі Ховард Латник, АҚШ-тың Сауда өкілі Жеймисон Грир, Эксимбанк президенті әрі басқарма төрағасы Джон Йованович және Халықаралық қаржылық даму корпорациясының бас атқарушы директоры Бэн Блэкпен жеке кездесулер өткізді.
Сапардың іскерлік бағдарламасы аясында Мемлекет басшысы бірқатар екіжақты құжаттарға қол қою рәсіміне және бірлескен жобалардың таныстырылымына қатысты. Іс-шараға АҚШ үкіметінің, ірі компаниялар мен қаржы институттарының жоғары деңгейдегі өкілдері, сондай-ақ бейнебайланыс арқылы Өзбекстан өңірлерінің басшылары қатысты.
Сапар шаралары аяқталғаннан кейін Президент Шавкат Мирзиёев Ташкент қаласына қайтып оралды. Әуежайда Мемлекет басшысы мен жұбайын АҚШ–Өзбекстан сауда палатасының төрайымы Кэролин Лемм және басқа да ресми тұлғалар шығарып салды.
