Қылмыстық кодекске енгізілген қосымшаларға орай, кәмелетке толмаған тұлғаның сипатталғаны немесе бейнеленгені айыптыға белгілі болған порнографиялық өнімді тарату мақсатында сақтау, егер мұндай әрекеттер үшін бұрын әкімшілік жаза қолданылғаннан кейін жасалса,
базалық есептік мөлшердің 100 еселенгенінен 600 еселенгеніне дейін айыппұл немесе 3 жылға дейін түзеу жұмыстары не 1 жылдан 3 жылға дейін бас бостандығын шектеу немесе 3 жылға дейін бас бостандығынан айыру жазасы белгіленеді.

Сондай-ақ, Қылмыстық кодекске кәмелетке толмаған куәгердің заңды өкілі ұғымы енгізілді.

Егер куәгер кәмелетке толмаған тұлға болса, оның құқықтары мен мүдделерін қорғау үшін іске куәгердің заңды өкілі қатысуға тартылады.

Істе заңды өкіл ретінде ата-ана, бала асырап алушы тұлғалар, қамқоршылар, демеушілер, сондай-ақ қамқоршылық және демеуші органдарының өкілдері қатыса алады.

Заңды өкілдің іске қатысуына рұқсат берілгені туралы тергеуші, прокурор қаулы шығарады, ал сот ұйғарым қабылдайды.

Бұдан тыс, кәмелетке толмаған тұлғаның сипатталғаны немесе бейнеленгені айыптыға белгілі болған порнографиялық өнімді тарату мақсатында сақтағаны үшін әкімшілік жауапкершілік белгіленді.

Аталған Заң ресми жарияланған күннен бастап күшіне енеді.