Қырғызстан Кеден қызметі басшысының айтуынша, енді шекараны кесіп өту үшін жүргізушілер өзіне қолайлы уақытты таңдап, мобил телефон арқылы электронды кезекке тұруға болады.
Бұл жүйе алғаш рет Қызыл-Қиядағы бақылау-өткізу пунктінде сынақ ретінде енгізіліп, жоба жақсы нәтижелерді көрсеткен, бақылау-өткізу пункттің өткізу қабілеті бір неше есеге асқан.
Қырғызстан Кеден қызметінің төрағасы кейінірек бұл жоба барлық өткізу пункттерінде кеңейтілетінін айтты. Қазір қырғыз-қазақ шекарасында электронды кезекті енгізу мәселесі әзірленуде.
Естеріңізге сала кетейік, «Дустлик» бақылау-өткізу пункті ең көп жұмыс істейтін пункттердің бірі саналады және ол Ош облысында, Қырғызстан мен Өзбекстан шекарасында орналасқан.
