3 июль күні жергілікті уақыт бойынша сағат 01:55-те бортында 180 жолаушысы бар ұшақ Ташкент халықаралық әуежайына қонды. Әуежайда жаңа бағыттың ашылуына арналған салтанатты шара өтіп, оған «Uzbekistan Airports» АҚ басшылығы, Қазақстан елшілігі мен әуе компаниялары өкілдері қатысты.
«Астана-Ташкент-Астана» бағыты бойынша ұшулар Airbus A321 ұшақтарымен аптасына екі рет – дүйсенбі және сәрсенбі күндері жүзеге асырылады деп жоспарлануда. Сондай-ақ әуе компания жақын арада ұшу картасын Қазақстан мен Өзбекстанды байланыстыратын жаңа бағыттармен толтыруды жоспарлап отыр.
FlyArystan – Қазақстанның лоукостер ауетасушысы болып, штаб-пәтері Алматыда орналасқан. Компания Қазақстанның ең ірі арзан авиакомпаниясы. Компания Қазақстандағы ең ірі Air Astana әуе компаниясы негізінде құрылған.
