Х.Нозири Ұйымның дәйекті дамуы, ЭЫҰ аясындағы сындарлы ынтымақтастықты жеделдетуді, оның бағдарламалық мақсаттары мен міндеттерін тиімді жүзеге асыруда Өзбекстанның рөлі артып отырғанын атап өтті. Өзбекстан Республикасының Президенті Шавкат Мирзияевтың 2022 жылды ЭЫҰ-да «Өзара байланысты нығайту жылы» деп жариялау туралы ұсынысы ЭЫҰ-на мүше барлық елдер тарапынан жан-жақты қолдап-қуатталғаны республиканың құрылымдағы маңыздылығын жаппай мойындалуын дәлелдейді.
Бас хатшы бірлестікке төрағалығы аясында Өзбекстан тарапынан жүзеге асырылған жүйелі істерге жоғары баға берді. Х.Нозири Өзбекстан Республикасының Президенті Шавкат Мирзияев тарапынан ұйымның 2021 жылдың ноябрь айында өткен Ашхабад саммитінде алға қойылған барлық бастамаларды жүзеге асыруға белсенді қатысуға дайын екенін білдірді.
Алда уақытта болатын шаралар, соның ішінде Ташкентте өтетін ЭЫҰ-ға мүше мемлекеттер Сыртқы істер министрлері кеңесінің жиналысына дайындықтың ұйымдастырушылық және тұжырымдамалық сипаттары талқыланды.
Кездесуде ЭЫҰ аясында сауда, инвестиция, азық-түлік қауіпсіздігі, ауыл шаруашылығы, көлік дәліздері, тағы басқа да салалардағы ынтымақтастықты арттыру бойынша ұсыныстар қаралды.
Халықаралық және аумақтық саясаттың өзекті мәселелері бойынша пікір алмасылды. Ауғанстандағы жағдайға, елдің ЭЫҰ қызметіне қатысуын жеделдету және оның аймақаралық экономикалық үдерістерге интеграциялануына ерекше назар аударылды. Осы тұрғыда Х.Нозири 2022 жылғы 25-26 июль күндері Ташкент қаласында өтетін Ауғанстан бойынша халықаралық конференцияға қатысатынын растады.
Бас хатшы ЭЫҰ Хатшылығы Өзбекстан үкіметінің Қарақалпақстанда тыныштықты, қауіпсіздікті және тұрақты дамуды қамтамасыз ету бойынша қабылданып жатқан іс-шаралар, сондай-ақ елімізде жүзеге асырылып жатқан терең реформалар бағытын толық қолдайды, деп хабарлайды Сыртқы істер министрлігінің баспасөз қызметі.
