Соның бірі – Жазушылар аллеясына іргелес аумақта салынатын Әлішер Науаи атындағы әдебиет мұражайы. Кешен құрамында мұражаймен қатар ғылыми-зерттеу орталығы, Өзбек тілі, әдебиеті және фольклор институты, мектеп, жатақхана бар.

Сондай-ақ Өзбекстан ұлттық саябағы жанынан Президенттік кітапхана салу жоспарлануда. Ол 4 қабаттан тұрады және бір мезгілде 1400-ден астам студентке қызмет көрсете алады. Кітапханада 1,5 миллион кітап, сондай-ақ электронды әдебиеттер мен мультимедиялық өнімдер сақталмақ.

Мемлекет басшысы бұл кешендерді салуда соңғы үлгідегі технологияны пайдалануды, білімқұмарлар үшін барлық қолайлылықты жасауды тапсырды.

Презентацияда «Олимпиада қалашығы» жобасы да талқыланды.