– Еліміздің көптеген жерінде жаңа массивтер мен қалашықтар салынып жатыр. Марғиландықтардың тұрмыс-тіршілігін, баспанаға мұқтаждығын білемін. Осы талаптар мен тілектерді, көптеген отбасылардың армандарын ескере отырып, заманауи ғимараттар салуды ойлап жатырмыз, – деді Шавкат Мирзиёев.
Жоба бойынша құрылыс жұмыстары 110 гектар аумақта жүргізілмек. Атап айтқанда, 25 мың тұрғынға арналған 5 мың пәтерлі көпқабатты үйлер салынады. Сондай-ақ Бурхануддин Марғилани атындағы халықаралық ғылыми-зерттеу орталығы, Мақам театры, заң институты, 4 қонақүй, ақындар мен өнерпаздар даңғылы, сауда және қызмет көрсету кешендері болады. Саябақ оған көрік және ауа сыйлайды.
Жұртшылық атынан сөз алған ақсақалдар бұл халықтың асыға күткен жобасы екенін айтып, ризашылығын білдірді. Осынау игі іске сәттілік тіледі.
– Бүгін барып көрдік, Ферғанада ірі өнеркәсіп орындары жұмыс істеп жатыр. Жаңа электр станцияларын іске қостық. Неліктен? Халқымыздың жағдайы үшін, кәсіпорындардың тұрақты жұмыс істеуі үшін. Енді сіздер де реформаларды қолдап, елді мекендердің жұмыссыздық пен кедейшіліктен арылуына көмектесулеріңізді қалаймын, – деді Мемлекет басшысы.
Шенеуніктерге массивті шетелдік тәжірибеге сүйене отырып, мұқият жобалау, тұрғын үйлер мен инфрақұрылымдарды ұзақты көздеп салу бойынша тапсырмалар берілді.
