Олий Мажлис Сенатының Төрайымы – Лайықты еңбек және адам саудасына қарсы күрес мәселелері бойынша Ұлттық комиссияның төрайымы Танзила Нарбаева Халықаралық Еңбек Ұйымының департамент директоры Корин Варгамен кездесті.
Кездесуде еңбек және әлеуметтік қатынастар саласындағы Өзбекстанның ратификациялаған халықаралық конвенцияларының орындалуы, осы бағыттағы басқа да Конвенцияларға қосылуы мәселелері қаралды.
Елімізде жеке сектордың дамып келе жатқанын ескере отырып, кәсіпорындарда жұмыс берушілер мен жұмысшы қарым-қатынасының құқықтық негіздерін одан әрі нығайту бойынша ынтымақтастықты орнату келісілді, деп хабарлайды Олий Мажлис Сенатының баспасөз қызметі.
Өзбекстанның барлық аймақтарында экономикаға аса қажетті кәсіпорындар пайда болуда. Бұл жаңа жұмыс орындарының ашылуы, өндірістің дамуы, түптеп келгенде, халқымыздың әл-ауқатының артуына қызмет етуде.
Үстіміздегі жылдың 27 июнінде Олий Мажлис Сенатында Әйелдер және гендерлік теңдік мәселелері комитетінің төрайымы М.Қадирханова БҰҰ-ның Адам құқықтары бойынша Олий комиссары басқармасының Қинаудың алдын алу және гендер зорлық-зомбылық мәселелері бойынша сарапшысы Д.Айтхожинамен кездесу өткізді.
Ағымдағы жылдың 25 июньда Ташкент қаласында «Өнеркәсіп Энергетика тобы», «Gallaaral Management» компаниясы мен Словакияның жетекші өнеркәсіп тобы «AZC Orbis Invest» арасында өзара түсіністік туралы меморандумға қол қою рәсімі өтті.
