Мемлекет басшысы Баку қаласында өтетін Азиядағы өзара іс-қимыл және сенім шаралары жөніндегі кеңестің жетінші саммитіне қатысады.
Әзербайжан төрағалығымен өтетін форумның күн тәртібіне Азия құрлығындағы сенім, бейбітшілік пен қауіпсіздікті нығайтуға, сондай-ақ Кеңестің институционалдық дамуын одан әрі жетілдіруге қатысты өзекті мәселелер енгізілген.
Көлік байланысын дамыту, цифрландыру, тұрақты экономикалық өсім және басқа да басым бағыттар бойынша практикалық ынтымақтастықты кеңейту мүмкіндіктері қарастырылады.
Қатысушылар аймақтық және халықаралық маңызы бар өзекті мәселелер жөнінде де пікір алмасады.
Саммит қорытындысы бойынша Баку декларациясын және Ұйымның рөлі мен тиімділігін арттыруға бағытталған шешімдер топтамасын қабылдау жоспарланған.
Саммит аясында Президент Шавкат Мирзиёев шетелдік делегациялар басшыларымен бірқатар екіжақты кездесу өткізеді.
Айта кетейік, Азиядағы өзара іс-қимыл және сенім шаралары жөніндегі кеңес – Азиядағы ынтымақтастықты нығайтуға, бейбітшілік, қауіпсіздік пен тұрақтылықты қамтамасыз етуге бағытталған халықаралық форум. Қазіргі уақытта Кеңес құрлық аумағы мен халқының шамамен 90 пайызын қамтитын 28 мемлекеттің басын қосып отыр.
