Баку қаласының Конгресс-орталығында Мемлекет басшысын Ильхам Әлиев және БҰҰ-ның Халықты қоныстандыру бағдарламасының атқарушы директоры Анаклаудия Россбах қарсы алды.
Қатысушылар бірлесіп естелік суретке түсу рәсіміне қатысты.
Биылғы форумның тақырыбы – «Баршаға баспана: қауіпсіз және орнықты қалалар мен қауымдастықтар». Жиынға мемлекет және үкімет басшылары, халықаралық ұйымдар мен даму институттарының жетекшілері қатысуда.
Форум күн тәртібінде қалаларды тұрақты дамыту, халықты заманауи әрі қолжетімді тұрғын үймен қамтамасыз ету, қалалық ортаның сапасын арттыру, климаттық тұрақтылықты нығайту, әлеуметтік және көлік инфрақұрылымын дамыту, сондай-ақ тұрғын үйді қаржыландыру тетіктерін жетілдіру мәселелері қарастырылуда.
Өзбекстан Президенті форум аясындағы Көшбасшылар саммитінде сөз сөйлейді.
