Жиналыстың ашылу салтанатында Ақсақалдар кеңесінің төрағасы Бинали Йылдырым, Түркі мемлекеттері ұйымының бас хатшысы Бағдад Әміреев және ұйымға мүше мемлекеттер Өзбекстан, Қазақстан, Әзірбайжан және Қырғызстанның ақсақалдары сөз сөйледі.

Жиналысқа Өзбекстан атынан Өзбекстан Республикасы Олий Мажлисі Сенатының Жастар, мәдениет және спорт мәселелері комитетінің төрағасы Бахтиёр Сайфуллаев қатысты.

Шарада қазірде Түркі мемлекеттері ұйымының басшылығында жүргізіліп жатқан ынтымақтастық мәселелері, сондай-ақ 2021 жылғы 12 ноябрьде Стамбул қаласында өткен Түркі мемлекеттері ұйымының 8- Саммитінде мемлекет басшылары қабылдаған қаулылардың орындалуы талқыланды.

Сондай-ақ, қатысушылар Түрік кеңесі Ақсақалдар кеңесінің жаңартылған жарғысы мен ақсақалдар рөлін күшейту шараларын, тағы басқа да мәселелерді талқылады.

Түркі мемлекеттері ұйымы тиісті құрылымдарының тиімді ынтымақтастығы мен қызметін үйлестірудің маңыздылығы, қатысушы елдер арасындағы мәдени және әлеуметтік ынтымақтастықты дамыту үшін «Жол картасын» құрудың мақсаттылығы атап өтілді.

Өзбекстан Президенті Ш.Мирзияевтың бастамасымен 2022 жылды «Жастардың бастамаларын қолда-қуаттау жылы» деп жариялау аясында түркітілдес елдерде іс-шаралар өткізу мәселесі де талқыланды

Жиналыс қорытындысы бойынша талқыланған мәселелерге арналған ұсыныстар жасалды, сондай-ақ Қырғызстан Республикасында 2022 жылдың екінші жартыжылдығында жоспарланған Ақсақалдар кеңесінің 13- отырысын өткізу күні белгіленді.

Өзбекстан Республикасы Олий Мажлисі Сенатының Ақпарат қызметі