Өзбекстан тарапынан комиссияның тең төрағасы Өзбекстан Олий Мажлисі Сенаты Төрағасының бірінші орынбасары С.Сафоев саналады. Қырғызстан тарапынан – Қырғызстан Жогорку Кенешінің вице-спикері Н.Азигалиев.
Тараптар ашық және сындарлы рухта екіжақты қарым-қатынастардың жай-күйі мен даму болашақтарын, парламентаралық байланыстарды кеңейту, өңіраралық және шекаралық ынтымақтастықты нығайту, сондай-ақ Өзбекстан-Қырғызстан келісімдерін жүзеге асыруға көмектесу мәселелерін қарады. Сондай-ақ, мемлекетаралық және парламентаралық форматтағы маңызды шаралар талқыланды.
2024 жылға арналған Парламентаралық ынтымақтастық жоспарының орындалу барысы туралы ақпарат, сондай-ақ Өзбекстан мен Қырғызстанның шекаралас облыстары басшыларының есептері тыңдалды.
Парламентаризмді дамытудың өзекті мәселелері бойынша біріккен бастамаларды ілгерілету, Орталық Азия аумағы елдері арасындағы парламентаралық ынтымақтастықты нығайту, халықаралық парламентаралық құрылымдар аясында өзара қолдап-қуаттау туралы жан-жақты пікір алмасылды.
Кездесу қорытындылары бойынша парламентаралық ынтымақтастықты одан әрі дамыту, екі елдің өкілеттік органдары барлық деңгейдегі өзара ынтымақтастығын жандандыру бойынша бірқатар келісімдерге қол жеткізіліп, біріккен нақты іс-шаралар мен парламент делегацияларының өзара сапарларын ұйымдастыруға келісілді, деп хабарлайды Олий Мажлис Сенатының баспасөз қызметі.
