БАӘ делегациясының құрамында кездесу барысында үкімет істері министрі Мұхаммед бин Абдулла Әл Гергави, энергетика және инфрақұрылым министрі Сухайл бин Мұхаммед Әл Мазруи, экономика министрі Абдулла бин Тук Әл Марри, жасанды интеллект мәселелері және цифрлық экономика бойынша мемлекеттік министр Умар бин Султан Әл Олама да қатысты.
Сұхбат басында Шейх Хамдан Әл Мактум Мемлекет басшысына шынайы қабылдау үшін алғыс білдіріп, БАӘ Президенті Шейх Мұхаммед Әл Нахаян және ел Премьер-министрі, Дубай Әмірі Шейх Мұхаммед Әл Мактумның шынайы сәлемін жеткізді.
Кездесу барысында инвестициялар, инновациялық даму, «жасыл» энергетика, инфрақұрылым, білім, денсаулық сақтау, экология, цифрлық трансформация, туризм және басқа да маңызды бағыттарда өзара пайдалы ынтымақтастықтың жаңа ұзақ мерзімді күн тәртібін қалыптастыру мәселелеріне ерекше назар аударылды.
Бүгін күннің алғашқы жартысында өткен өзара пайдалы ынтымақтастық әлеуетін жүзеге асыру бойынша бірлескен форум және екі жақты үкіметаралық және ведомстволық келіссөздердің нәтижелері жоғары бағаланды.
Стратегиялық салаларда кең көлемді ынтымақтастықты дамыту бойынша «жол картасын» қабылдауға қол жеткізілді.
Айта кету керек, БАӘ Өзбекстанның Азия өңіріндегі негізгі серіктестерінің бірі.
Соңғы жоғары деңгейдегі байланыстар өткен жылдың желтоқсанында Дубай қаласында өткен Жаһандық климат саммиті аясында болған еді.
Тауар айналымы 2023 жылы 21 пайызға өсіп, 626 миллион долларды құрады. Елімізде Әмірліктер капиталымен 320-дан астам кәсіпорын жұмыс істеуде. Іске асырылып жатқан және болашақтағы инвестициялық жобалар портфелі шамамен 20 миллиард долларды құрайды.
