Өзбекстан Республикасының Президенті Шавкат Мирзиёевтің шақыруымен Франция Республикасының Президенті Эммануэль Макронның Самарқанд қаласына екі күндік сапары аясында бірқатар екіжақты іс-шаралар өтті.
1 қарашада Мемлекет басшылары Регистан алаңында достық сұхбат құрып, түнгі Самарқандты аралап, «Мәңгілік қала» кешенін тамашалады.
Бүгін шағын және кеңейтілген құрамда жоғары деңгейдегі диалогтар өтіп, оның соңында Мемлекет басшылары екіжақты қарым-қатынастарды стратегиялық әріптестік деңгейіне көтеруге келісті. Бірлескен мәлімдеме қабылданып, бірқатар үкіметаралық және ведомствоаралық құжаттарға қол қойылды.
Мемлекет басшылары Француздық жетекші компаниялар мен банк өкілдерінің қатысуымен бірлескен бизнес-форумның ашылуына қатысты.
Күннің екінші бөлігінде Президенттер Самарқанд қаласындағы Конгресс орталығында бірге ағаш отырғызды, Өзбекстанның мәдени мұра көрмесімен танысты. Самарқандта Француз альянсының филиалының ашылуы болды.
Франция делегациясы қызығушылықпен Самарқандтың тарихи-архитектуралық жауһарларымен танысты.
Сапардың шаралары аяқталған соң, Президент Эммануэль Макронды әуежайға Президент Шавкат Мирзиёев шығарып салды. Мемлекет басшылары жылы лебіздерін білдіріп қоштасты.
