Кездесу басында ТМД Бас хатшысы Мемлекет басшысын Өзбекстан Президенті сайлауындағы сенімді жеңісімен шын жүректен құттықтап, оған еліміздің тұрақты дамуы мен гүлденуін қамтамасыз етуде табыс тіледі.
Сайлаудың халықаралық стандарттарға толық сай өткені атап өтілді.
Сайлаушылардың жоғары белсенділігі мен дауыс беру нәтижелері жүзеге асырылып жатқан реформалар бағдарламасын халықтың қолдайтынын және сенім білдіретінін көрсететіні баса айтылды.
Сондай-ақ ТМД аясындағы өзара тиімді ынтымақтастықты кеңейту мәселелері талқыланды.
Кейінгі жылдары Өзбекстан Достастықтың 40-тан астам келісіміне қол қойды, 24 салалық органға қосылды. Күні кеше Ташкентте ТМД-ға мүше мемлекеттердің сайлау комиссиялары басшыларының консультативтік кеңесінің бірінші отырысы өтті.
Кездесуде көпжақты әріптестікті кеңейтуге бағытталған бағдарламалар мен жобаларды жүзеге асыруға ерекше назар аударылды.
