Кездесу басында жоғары мәртебелі мейман Мемлекет басшысына Қырғыз Республикасының Президенті Садыр Жапаровтың шынайы сәлемін жеткізді.
Өзбекстан мен Қырғызстан арасындағы достық, тату көршілік және стратегиялық серіктестік байланыстарын, соның ішінде энергетика саласындағы ынтымақтастықты одан әрі нығайту мәселелері талқыланды.
Екіжақты қатынастардың жоғары қарқынмен дамып келе жатқаны атап өтілді. Биылғы жылдың басынан бері өзара тауар айналымы 17 пайызға өсіп, жүк тасымалы көлемі артып келеді. Экономиканың басым секторларында кооперациялық жобалар табысты іске асып отыр.
Энергетика саласында да өзара тиімді ынтымақтастық жолға қойылған. Электр энергиясы тұрақты түрде жеткізіліп, транзит орындалып, «жасыл» энергетика бағытында перспективалы жобалар әзірленіп жатыр.
Өзбекстан басшысы су энергетикасы саласындағы серіктестікті тереңдету, аймақтық маңызға ие бірлескен ірі жобаларды, ең алдымен «Қамбар-Ата ГЭС-1» құрылысы жобасын тиімді түрде ілгерілету маңызды екенін атап өтті.
