Ушырасыў алдынан жоқары мәртебели мийман мәмлекетимиз басшысына Қырғыз Республикасы Президенти Садир Жапаровтың қызғын сәлемин жеткерди.
Өзбекстан менен Қырғызстан арасындағы дослық, жақсы қоңсышылық ҳәм стратегиялық шериклик қатнасықларын, соның ишинде, энергетика тараўында және де беккемлеў мәселелери көрип шығылды.
Еки тәреплеме қатнасықлардың раўажланыў пәти жоқары екени қанаатланыўшылық пенен атап өтилди. Жыл басынан товар алмасыў 17 процентке артты, жүк тасыўлар көбеймекте. Экономиканың тийкарғы тармақларында кооперация жойбарлары табыслы әмелге асырылмақта.
Энергетика тараўында өз-ара пайдалы бирге ислесиў жолға қойылған. Электр энергиясының турақлы жеткерип берилиўи ҳәм транзити әмелге асырылмақта, "жасыл" энергетикада перспективалы жойбарлар ислеп шығылмақта.
Өзбекстан жетекшиси суў энергетикасы тараўындағы бирге ислесиўди тереңлестириў, регионаллық әҳмийетке ийе биргеликтеги жойбарларды, бәринен бурын, Қамбарата ГЭС-1ди нәтийжели алға қойыў әҳмийетли екенин атап өтти.
