Кездесу барысында инвестициялық, сауда, энергетика, су ресурстарын басқару, көлік-логистика салаларындағы екіжақты ынтымақтастықтың қазіргі жағдайы мен оны кеңейту іс-шаралары талқыланды.
Екі ел арасындағы инвестициялық ынтымақтастық пен өнеркәсіптік кооперацияның өсу үрдісімен сипатталатыны атап өтілді. Атап айтқанда, қазір Тәжікстанда өзбек капиталының қатысуымен 64 кәсіпорын, Өзбекстанда 252 Тәжікстан компаниясы жұмыс істейді. Тараптар қолданыстағы жобаларды жүзеге асыруға қатысты мәселелерді талқылады, сондай-ақ жаңа болашағы зор бастамаларды әзірлеу және үйлестіру бойынша жұмысты жеделдету туралы келісті.
Соңғы 5 жылда екіжақты тауар айналымының көлемі 3 есеге жуық өскені, ал биылғы төрт айда бұл көрсеткіш өткен жылдың сәйкес кезеңімен салыстырғанда 35 пайызға артқаны атап өтілді. Тараптар Өзбекстан-Тәжікстан тауар айналымының көлемі 1 миллиард долларға жеткізу бойынша бірлескен жұмысты жандандыруға келісті және осы бағыттағы ынтымақтастық механизмдерін талқылады.
Осыған орай, шекаралық аймақта өндірістік кәсіпорындарды, сондай-ақ логистикалық және көтерме тарату инфрақұрылымын қамтитын «Өзбекстан-Тәжікстан» еркін индустриялық-сауда аймағын құру мүмкіндігі қарастырылды.
Жаңа энергетика өндіру қуатын салу бойынша біріккен жобаларды жүзеге асыруды көздеп, энергетика және су ресурстары саласында ынтымақтастық мәселелері қаралды.
Кездесу соңында қатысушылар екі ел арасындағы көпқырлы ынтымақтастықты кеңейту бойынша міндеттерді сапалы және уақтылы орындауды қамтамасыз ету бойынша келесі қадамдарды белгіледі, деп хабарлайды Инвестициялар және сыртқы сауда министрлігінің баспасөз қызметі.
