Кездесу барысында Польша сыртқы істер министрі 2022 жылдың июнь айында Ташкент пен Самарқантқа сапарын және Өзбекстан Президенті Шавкат Мирзияевпен болған келіссөздерді шын жүректен еске алды.
Соңғы жылдары Өзбекстан-Польша ынтымақтастығы, әсіресе, сауда-экономикалық салада айтарлықтай деңгейде нығайып, жаңа әрі іс жүзіндік мазмұнмен толыға түскені ерекше атап өтілді. Польша іскер топтарының өзбекстандық серіктестермен байланыстарды дамытуға деген қызығушылығы артып келеді.
Польша Сыртқы істер министрлігінің басшысы тоқымашылық өнеркәсібіндегі ынтымақтастықтың болашақтарын жоғары бағалап, Өзбекстаннан Польшаға жартылай фабрикаттар мен дайын жеңіл өнеркәсіп өнімдерін экспорттауды жан-жақты ынталандыруға дайын екенін айтты.
Польша мен Өзбекстан арасында тығыз мәдени-гуманитарлық қарым-қатынастар бар екені, 2024 жылдың февраль айынан бастап Варшава-Ташкент-Варшава бағыты бойынша тұрақты тікелей әуе рейсінің ашылуы польшалық саяхатшылардың санын арттыруға және өзара сауда-экономикалық ынтымақтастықты дамытуға қызмет ететіні атап өтілді», - деп хабарлайды Дуние» AA.
Еске сала кетейік: елші Амирсаид Аъзамхужаев Варшаваға 7 ноябрьде келген болатын. Бұған дейін ол Сыртқы істер министрлігінің консулдық және заң бөлімінде жұмыс істеген, Өзбекстанның Стамбулдағы Бас консулдығының консулы, 2020 жылдан бастап Бас консулдықтың басшысы қызметін атқарған. Ол 38 жаста. Ташкент Мемлекеттік әлем тілдері университетін бітірген.
Амирсаид Аъзамхужаев 2015 жылдан бері уақытша сенімді өкіл, 2019 жыл май айынан бастап Өзбекстанның Төтенше және өкілетті елшісі ретінде Варшавадағы дипломатиялық миссиясы қызметін атқарған Бахром Бобоевтың орнына тағайындалған.
