Польшалық шахматшы, FIDE шебері Камил Пличта өзбекстандық гроссмейстер Нодирбек Абдусаттаровтың жеңісіне ерекше ықылас білдірді.
«Келесі баламның атын Нодирбек қоямын. Қыз болса да, айырмашылығы жоқ», - дейді Пличта өзінің Twitter парақшасында.
Нодирбек Дүниежүзілік шахмат Олимпиадасының 10-турында Үндістан өкілі Гукеш Доммаражудан басым келіп жеңіске жетті. Партияның үлкен бөлігінде Үндістан өкілі басымдық танытқанымен, Нодирбек сайыс барысында қарсыласының қателігін пайдаланып, жеңіске жетті.
Өзбекстан ерлер құрамасы соңғы 11-турда Нидерландыға қарсы ойнайды. Бұл жарыстағы жеңіс Өзбекстанға чемпиондықты әкелуі мүмкін.
