Кешен көп функциялы және заманауи сауда мен қызметтерді қамтиды. 5 қабатта дүкендер, мейрамханалар мен кафелер, ойын-сауық және спорт алаңдары орналасқан. 2 қабатты жерасты автотұрағы бар.
Орталықта әлемнің жетекші брендтері өз дүкендерін ашқан. Олардың көпшілігі Өзбекстан нарығына алғаш рет келіп отыр.
Үлкен аумақта балалар мен ересектерге арналған жабық ойын алаңдары бар. Сондай-ақ 14 кинотеатр ашылған. Бір сөзбен айтқанда, мұнда тұрғындардың сауда жасап, демалуына, спортпен айналысуына, уақыт өткізуіне барлық жағдай жасалған.
Кешен тәулігіне 60 мың адамға қызмет көрсетуге қауқарлы. Онда 3 мыңнан астам адам жұмыс істейді.
Президент осында келген халықпен сұхбаттасты.
Мемлекет басшысы осы кешен құрамына енетін бес жұлдызды қонақүйде жасалған жағдаймен де танысты.
31 қабатты бұл қонақүй бір мезетте 500 адамға қызмет көрсете алады. Онда жоғары мәртебелі қонақтарға жағдай мен 273 стандартты нөмірлер қарастырылады.
Сондай-ақ мұнда үлкен және кіші конференц-залдар, жабық және ашық бассейндер, мейрамхана мен асхана қызметін ұсынады. Ғимаратта заманауи «Smart House» жүйесі мен жоғары жылдамдықты лифтілер орнатылған.
Қонақ үй мамыр айында ашылады деп жоспарланған. Мұнда тағы 500 адам тұрақты жұмыспен қамтылады.
Халыққа заман талабына сай қызмет көрсететін осындай орталықтарды республиканың өзге де қалаларында ашу маңызды екені айтылды.
