Соңғы жылдары облыста үлкен жұмыстар атқарылуда. Өткен жылдың 25 желтоқсанында «Гузар» ауданында синтетикалық жанармай шығаратын «Uzbekistan GTL» зауыты іске қосылды. Шуртан газ-химия кешенін кеңейту жобасының құрылысы басталды.
Мемлекеттік бағдарламалар бойынша биыл Қашқадарияға 1,5 триллион сумнан астам қаржы бөлініп, жалпы ұзындығы 2800 шақырым инженерлік-коммуникациялық желілер мен 160 әлеуметтік нысандарды жаңадан құру мен қайта жаңғырту жұмыстары жүргізілуде.
Президент сессияда сөйлеген сөзінде алда тұрған міндеттерді, шешуді қажет ететін мәселелерге көбірек тоқталды.
Мысалы, облыс халқының 43 пайызы ғана орталықтандырылған ауыз сумен қамтылған. Әсіресе, «Косон», «Дехканабад», «Гузар», «Қамаши» аудандарында ауыз сумен қамту деңгейі өте төмен. Сондай-ақ газ, жарық, ішкі жолдар, көлік, ауыл шаруашылығы, банк, несие салаларында да мәселелер бар.
Облыста 108 медициналық мекеме, 172 мектеп, 144 балабақша жөндеуге мұқтаж. Көптеген балабақшалар мен мектептерде жылу жүйесі істен шыққан. 19 мектепте сабаққа қатысу деңгейі жоғары болып, оқушы орны жетіспейді.
Сондықтан биыл Қашқадарияда әлеуметтік сала мен инфрақұрылымды жақсартуға республикалық бюджеттен қосымша 360 миллиард сум бөлінетіні айтылды. Сонымен қатар, халықаралық қаржы институттарынан 100 миллион доллар жеңілдетілген несие бағытталады.
Бүгінгі таңда 350 мың азаматқа жұмыс қажет екені, оларды жаңа махалла жүйесі негізінде кәсіпкерлікке, қолөнерге, үй шаруашылығына тарту маңызды екені айтылды.
Өңірдің өнеркәсіптік әлеуеті зор болғанымен, жалпы өңірлік өнімдегі өнеркәсіп үлесі небәрі 18 пайызды құрайтыны сөз болды.
Сол үшін 2022-2023 жылдарға арналған құны 14,7 триллион сум болатын 270 индустриялық жобаның бағдарламасы жасалғаны жарияланды.
Таллимаржан жылу электр орталығының қуатын кеңейту, «Гузар» ауданында күн электр станциясын салу, «Дехканабад» пен «Камашиде» құрылыс материалдары кластерін іске қосу, «Китаб» ауданында цемент зауытын құру сияқты ірі жобалар басталды.
Президенттің күні кеше қол қойған жарлығында Қашқадариядағы бизнес жобаларды қаржыландыруға 45 миллион доллар қарастырылған.
Ауыл шаруашылығында 7,4 триллион сумдық 524 жобаны жүзеге асыруға және 286 мың жұмыс орнын ашуға болатыны айтылды.
Атап айтқанда, 40 мың гектардан астам жер қайта пайдалануға беріледі. 20 мың гектар жерге анар көшеттері егіледі. 4 ауданды сумен қамтамасыз ету үшін «Аёқчисой» су қоймасы салынады. Шаруашылық жеміс-көкөніс шаруашылығын, мал шаруашылығы мен құс шаруашылығына қолдау көрсетіледі.
Биыл Қашқадарияда 5 мың пәтерлі 143 көпқабатты үй пайдалануға беріледі.
1823 шақырым ауыз су желілері мен 1570 шақырым ішкі жолдар салынып, 9 мыңнан астам халықты газбен қамту қалпына келтіріледі.
«Абат ауыл» және «Абат махалла» бағдарламалары аясында биыл 30 елді мекеннің келбеті жақсартылады.
Мектепке дейінгі білім беру мекемелері мен мектептер, медициналық пункттер салу, жастардың уақытын мазмұнды ұйымдастыру жөнінде тапсырмалар берілді.
