Делегация өкілдері ауыл шаруашылығы министрі Жамшид Ходжаев пен Ташкент облысының әкімі Даврон Хидоятовпен кездесті.

Тәжікстан делегациясы құрамына Тәжікстанның Хожанд, Гүлстан, Спитамен және Зафаробад аудандарының басшылары, сондай-ақ ірі ауыл шаруашылығы өнімдерін өндіру кәсіпорындары мен компанияларының бастықтары кірген. Сапардағы көзделген негізгі мақсат — ауыл шаруашылығы саласында ынтымақтастықты күшейту, қонақ болып тұрған мемлекеттің өкілдерін еліміздегі бірқатар нысандармен таныстыру және тәжірибе алмасу.

Бірінші күні танысу аясында кластер жүйесі, интенсивті бау-бақша, жылыжай шаруашылығы, жүзімшілік пен шарап өндіру, ауыл шаруашылық өнімдерін қайта өңдеу, шаруашылық кәсіпорындары және заманалық тиімді суару технологияларын енгізу сияқты бағыттарға ерекше назар аударылды.

Тәжікстандық қонақтар жеміс-көкөністерді қайта өңдеу және кептіру бойынша TNA Agro Invest, мақтаны өңдеу және тоқымашылық өндірісі Peal Agro Cotton, шарап өндіру бойынша “Жүзім фермер”, UzТех сияқты кластер кәсіпорындарында болды.

Тәжік делегациясы Ташкент облысындағы АКIS ауыл шаруашылығында білім, инновациялар мен қызметтер орталығына, TCT Rice салы өсіру кластеріне, толық өндіру цикліне ие Gold Dried Foods агрологистикалық орталығы мен басқа нысандарға барады, деп хабарлады Ауыл шаруашылығы министрлігінің баспасөз қызметі.