Президент Шавкат Мирзиёевтің бастамасымен құрылған бұл өнеркәсіптік кешенде жалпы құны 365 миллион долларды құрайтын 16 өндіріс қуаты орналасқан.

Жоғары мәртебелі қонаққа мұндағы кәсіпорындарда шығарылатын жоғары технологиялық өнімдердің кең ассортименті көрсетілді. Белгілі брендтердің бақылауымен өндірілетін тұрмыстық техника, электронды есептегіштер, лифт және эскалатор, сорғы, өнеркәсіптік қазандықтар және салқындату жүйелеріне нарықта үлкен сұраныс бар. Бүгінде бұл тауарлар әлемнің оннан астам еліне экспортталуда.

Қонақтар еліміздің өнеркәсіптік әлеуеті мен өнімдерінің кең ауқымы мен сапасына жоғары баға берді.