Бұл туралы кейбір Telegram арналарында коронавирус тақырыбына жазылған аудиожазбаларға байланысты жазғанбыз. Дауыстық хабарламалардың бірінде медициналық қызметкер COVID-19 ауруының саны күрт өскенін, қабылдау бөлмелерінде аяқ қоюға орын қалмағанын, тіпті жаңа блоктың ашылып жатқанын және өлім-жітім деңгейінің өсіп жатқанын айтты.
Денсаулық сақтау министрлігінің баспасөз қызметіне мән-жайды анықтау үшін дауыстық хабарлама келіп, онымен сөйлесті.
– Зенгіата №2 жұқпалы аурулар ауруханасында дәрігер-эпидемиолог болып жұмыс істеймін, – дейді Нилуфар Умарова. – Мен бұл дауыстық хабарламаны эпидемиолог әріптестерімізге осы жылдың июнь айының соңында телеграмдағы тар шеңберде топта қалдырған едім. Дәл сол кезде елімізде індеттің жаңа толқыны басталды. Бірақ мен бұл аудиожазбаның қалай интернетке тарағанына және оның төрт айдан астам уақыт өткен соң неліктен шыққанына таң қалдым. Себебі, елімізде бұл дертке шалдығу көрсеткіші бұрынғымен салыстырғанда әлдеқайда төмен.
Мен жұмыс істейтін ауруханада науқастардың ағымы айтарлықтай азайды.
Біз Зеңгіата №1 жұқпалы аурулар ауруханасының жауапты қызметкерлеріне де хабарластық.
– Июль-август айларында біздің мекемеде 2 мыңға жуық науқас емделді, – дейді аурухана директорының орынбасары Хилола Алимова. – Қазір 1100 адамды емдеп жатырмыз. Күніне 80-90 науқасты қабылдап, ауруханаға жатқызамыз. Көрсеткіштер күннен-күнге азайып барады. Жағдай тұрақты.
Енді июнь айының статистикасына тоқталайық. Мысалы, 2021 жылдың 25 июнь айында Өзбекстанда барлығы 546 коронавирус анықталды. Бір айдан кейін 25 июльде жалпы тәуліктік көрсеткіштер 731 адамға жетті. 26 август жағдай бойынша 846 адамда коронавирус, 353 адам пневмониямен ауырған.
Ал қазір ше? Елімізде індетке қатысты жағдай қандай?
Кеше, 2 ноябрьде елімізде коронавируспен күнделікті аурушаңдық июнь айынан бергі ең төменгі көрсеткіш болып, пневмония ауруы анықталған жоқ. Ауру жұқтырғандар саны 272 болды. Оның 58-і Ташкент облысында, 104-і Ташкент қаласында.
Қазір Ташкентте және астаналық облыста коронавирус жұқтырған науқастарды емдеу үшін Зеңгіатадағы №1 және №2 ауруханалар ғана жұмыс істеп жатқанын ескерсек, нақты жағдай статистикада толық көрініс тапқаны тағы да анық.
